Nagpahigayon sa Pre-Labor Day Press Conference ang Department of Labor and Employment Caraga sa Residence Hall sa Almont Almont Inland Hotel ning syudad kagahapon. Ang 121st Labor Day Celebration subay sa temang “𝑃𝑎𝑏𝑎ℎ𝑎𝑦, 𝐵𝑖𝑙𝑖ℎ𝑖𝑛𝑔 𝐴𝑏𝑜𝑡-𝑃𝑟𝑒𝑠𝑦𝑜, 𝐵𝑒𝑛𝑒𝑝𝑖𝑠𝑦𝑜 𝑛𝑔 𝑀𝑎𝑡𝑎𝑡𝑎𝑔 𝑛𝑎 𝑇𝑟𝑎𝑏𝑎ℎ𝑜 𝑃𝑎𝑟𝑎 𝑠𝑎 𝑀𝑎𝑛𝑔𝑔𝑎𝑔𝑎𝑤𝑎𝑛𝑔 𝑃𝑖𝑙𝑖𝑝𝑖𝑛𝑜”. Usa ang Job Fair sa gi-andam sa Department of Labor and Employment matag Labor Day, agig pag hatag og higayon sa mga job seekers nga makapangita og trabaho. Sa taho gikan sa DOLE muabot sa 3, 073 ka bakanteng posisyon ang gi-andam alang sa mga job seekers sa umaabot Mayo 1, 2023 sa Almont Inland Hotel. Anaa sab sa 50 ka local employers ang gilauman nga mo partisipar niini. Gawas sa job fair duna sab Kadiwa ng Pangulo para sa Manggagawa asa 12 ka mga farmer cooperatives/associations ang mag display og mga gulay sa ubos nga presyo. Kini agig suporta sa mga farmers sa ilang mga produkto. Nanawagan si Atty. Joffrey M. Suyao, Regional Director sa DOLE sa mga job seekers nga mo apil sa giandam nga Job Fair ug dili sayangon ang oportunidad nga makabaton og trabaho nga makatabang sa pamilya. Anaa sa press conference sila Atty. Kurt Chino Montero, Chief TIDS, DTI, Abel Wagas, RTD for Research and Regulation, DA, Lei Arsad, Assistant Regional Director, NFA, Ma. Theresa Francisco, Director II, RCMB, Nancy De Guzman, Acting Provincial Director, TESDA-ADN, Cheryl Elicano, Regional Director, PRC, Earl Dela Victoria, Board Secretary, RTWPB, Robert Aying, Labor Arbitrator Associate, NLRC, Sandee Angeli Mocorro, Information Officer, ECC, Engr. Christian Lee Jaguit, Engineer II, OSHC REU 13, Anne Jane Hallasgo, Labor and Employment Officer III, DMW, ug Rodel Deligero, OIC-Designate OWWA.