Dagsa ang mga nilinya sa ulahing adlaw sa Voter Registration para sa Barangay ug Sangguniang Kabataan Elections kagahapon sa SM City Butuan. Niabot sa 6,624 ka mga indibidwal ang nakaparehistro sukad mi resume ang extended voter registration niadtong Disyembre 12. Apil na sa ihap ang ubang services nga gihatag sa Commission on Election-Butuan nga gilangkuban sa Correction of Entries, Reactivation, Transfer, ug uban pa. Si Jillo Suhayon nga taga Barangay Anticala ning syudad, kagahapon lang nakahibalo nga dunay voter registration pinaagi sa announcement sa ilang purok leader. Wala na siya nag duha-duha ug daling miadto sa SM City Butuan para mo apas sa pagpa rehistro tungod para kaniya usa kini ka katungod ug mao ang panahon nga makapili siya og lider nga tarong ug kabalo mo dala sa mga tawo. Admitado si Comelec Butuan Election Officer II Ma. Lutgarda Estrada nga sa unang mga semana sa extended registration wala niabot sa 500 per day ang nagpa rehistro ug nibawi na sa ikatulong semana. Bisan paman sa kadaghan sa tawo sa katapusang adlaw sa pagpa rehistro nahimo gihapong paspas ug hapsay kini. Adunay priority lane sa mga Senior Citizen, PWD, ug para sa mga dunay dalang anak. Gibutyag sa Comelec nga wala nay extension para sa Voter registration.