Miabot sa 13, 965 ka mga patigayon sa syudad ang narehistro na atol sa gipahigayon nga Business One-Stop Shop kon BOSS sa lokal nga panggamhanan sa Butuan. Gidagsa ang ulahing adlaw sa BOSS tungod daghan ang gusto maka apas sa walay penalty sa pagkuha og Business Permit. Usa ang bookkeeper nga si Creszandro Talo, 31 anyos nga taga Barangay Bit-os ang misanong sa ulahing adlaw sa BOSS alang sa pag renew sa mga negosyo sa iyang mga kliyente. Ikaduha na niya nga tuig karon nga misanong sa BOSS isip bookkeeper. "Sa una lisud kay ang Barangay Clearance, muadto paka. Hasol nga muadto pa sa Barangay tapos naa pay mga Purok Clearance. So, sa karon natandi nako, mas dali gyud siya kay na ra siya diri. Isa ra ka lugar,” sumala ni Creszandro Talo. Gikalipay sa Business Permits and Licensing Department ang dali nga proseso karon para sa mga kliyente tungod sa mga integration nga gibuhat sa LGU-Butuan kauban ang mga ahensya sa gobyerno. Padayon ang CBPLD sa pagpanguna ni Atty. Moshi Ariel Cahoy, Hepe sa CBPLD sa paghatod sa mas episyente nga serbisyo sa tanan. "Kasagaran sa ilaha nalipay kay ang proseso mas dali kompara sa una kay sa una gibuwag buwag man tong tagsa ka opisina karon gi integrate na siya sama sa Bureau of Fire. Karon automatic na naa na sa usa ka order of payment,” sumala ni Atty. Moshi Ariel Cahoy. Ang Lokal nga Panggamhanan sa pagpanguna ni Butuan City Mayor Ronnie Vicente Lagnada uban ang kinatibuk-ang pwersa sa LGU-Butuan nga mi saad nga padayon ang paghatod og episyente nga mga serbisyo ug programa para sa mga negosyante sa syudad. Mapasalamaton kini sa tanang misanong ug misunod nga mga nanag iya og patigayon sa pagkuha og business permit. "Sa mga negosyante magpasalamat ko. Salamat sa inyong kooperasyon and salamat pud kay daku ang inyong contribution sa City Government not the City Government alone, but the entire City of Butuan,” dugang pahayag ni Atty Moshi Ariel Cahoy.