Dagsa ang mga tawo sa ulahing adlaw sa Business One-Stop-Shop sa Lokal nga Panggamhanan sa pagpanguna sa City Business Permit and Licenses Office, adlawng Martes. Nikabat sa 12,614 ka mga patigayon ang nakaparehistro sa gipahigayong usa ka bulan nga Business One-Stop-Shop sa LGU-Butuan. Adunay 1,308 nga bag-ong negosyo ang nagparehistro ug 11,306 ang nagpa renew. Mitaas ang ihap sa mga nagpa renew sa ilang mga patigayon ug gilauman nga padayon ang mga negosyante nga magkuha og business permit sa sunod nga mga bulan. Gipanawagan sa Butuan City Business Permit and Licensing Office sa wala nakarenew kutob Enero 31 nga mag renew na karon bulan sa Pebrero. Gitagaan og higayon sa Lokal nga Panggamhanan sa pagpanguna ni Butuan City Mayor Ronnie Vicente Lagnada ang mga nanag iya ug negosyo nga mas mapasayon ug mapadali ang pagkuha sa ilang business permits pinaagi sa BOSS nga mandato sa Ease of Doing Bussiness Law or Republic Act No. 11032.