Mi sobra na sa 12,000 ka mga patigayon sa Butuan ang narehistro sa 2024 Business One Stop Shop kun BOSS sa Butuan City. Nahitala sa City Business Permits and Licensing Department kon CBPLD ang 1,092 ka bag-ong negosyo ang na rehistro samtang anaa sab sa 11,368 ang nag renew sa ilang patigayon sa syudad sukad Enero dos. Gi implementa karon nga BOSS ang integration sa mga opisina ug partner nga National Agencies sa renewal sa business permits ug processing sa business applications. Usa sa nagpadali karon sa BOSS mao ang pag apil na sa barangay clearance fees ug assessment lakip nasab ang collection sa fire code fees pinaagi sa Government's Enhanced Tax Revenue Assessment and Collection System (ETRACS). "In line with the City Government's commitment to ease doing business, we have integrated all offices and agencies involved during BOSS which are now part of our backroom operations to improve client convenience. Clients can now skip the long lines when processing their business permits'' Sumala ni City Business Permits and Licensing Department Head Atty. Moshi Ariel Cahoy. Gikalipay ni Butuan City Mayor Ronnie Vicente Lagnada ang gipahigayong integration sa mga opisina ug ahensya ngadto na sa BOSS ug sa pagpatuman sa digitilization sa BOSS tungod mas mapadali ug sayon sa mga nanag iya og patigayon ang pagpa rehistro sa ilang negosyo sa syudad.