Nagpahigayon sa bakuna kontra rabies ang buhatan sa City Veterinary Office sa VCDU Shangrila 2, Barangay Libertad ning syudad adlawng Biyernes. Kini agig pagsaulog sa Rabies Awareness Month. Niabot sa 114 ka binuhing iro ug iring ang nabakunahan sa lugar asa 108 ka iro ug unom ka iring ang nahatagan og bakuna kontra rabies. Mahinungdanon ang gipahigayong kalihukan aron mahatagan og proteksyon ang mga hayop kontra rabies. Ang rabies usa ka preventable viral disease nga makuha pinaagi sa paak o kawras sa usa ka rabid nga mananap. Pinaagi sa pagbisita sa buhatan mahatag nila ang general information aron malikayan nasangpit nga sakit. Lakip na ang pag awhag sa mga residente nga pabakunahan ang mga binuhing hayop aron sa luwas nga komunidad kontra sa makamatay nga rabies. Pinaagi sa mando ni Mayor Ronnie Vicente Lagnada magpadayon ang pag bisita sa City Veterinary Office sa mga barangay aron na sa paghatag og bakuna kontra rabies sa mga binuhing hayop kay tumong sa syudad nga makuha ang rabies-free nga Butuan City.