Gilusad sa lokal nga panggamhanan pinaagi sa City Social Welfare and Development Department kon CSWDD ang Sustainable Market and Technology Driven Livelihood and Employment Assistance Program kon SMART LEAP, miaging semana sa may Limaha Convention, ning syudad. Ilawom sa programang SMART LEAP, dunay mga capacity building programs ang ihatag sa mga benepisyaryo ug ihatag sab kanila ang social preparation process nga mag andam sa ila para sa negosya nga ilang napili. Ang programa ang mag facilitae sa economic development sa active poor household sa syudad. Ang mga napiling mga program beneficiaries mao ang mga waitlisted clients sa CSWDD nga nakahuman na og assessment. Pinaagi sa SMART LEAP mamahimong mo utang ang mga benepisyaryo sa pundo sa programa nga pwede nila gamiton sa ilang itukod nga negosyo. Ibalik nila ang ilang kwarta nga walay interes sulod sa duha hangtud tulo ka tuig. Dunay 51 ka barangay ang mi suporta sa nasangpit nga programa. Gilauman nga pinaagi sa programa mapalambo ang ekonomikanhong aspeto sa mga labing nanginahanglan nga katawhan sa syudad. Ang programa labing gisuportahan sa sa lokal nga panggamhanan sa pagpanguna ni Mayor Ronnie Vicente Lagnada, Vice Mayor Lawrence Lemuel Fortun, Cong. Jose Aquino ug sa tanan miyembro sa Sangguniang Panglunsod.