Midaug si Christian Joren Capoy sa Barangay Libertad sa Art Challenge nga gipahigayon kabahin sa Rural- Based Organization Fiesta and Product Innovation sa pagpasiugda sa City Agriculture and Veterinary Department sa LGU Butuan. Nakadawat si Capoy og 5,000 pesos nga cash prize. Second place si Kenneth Dabalos sa Barangay Ambago nga nakadawat og 4,000 pesos nga cash prize ug third place si Rjay Cuyno sa Barangay Sto Nino nga nakadawat og 3,000 pesos. Samtang, nakadawat sab sa consolation prize nga tag 2,000 pesos ang ubang mga Butuanon Artist nga misalmot sa challenge. Siyam ka Butuanon Artist ang nagtigi sa kompetisyon subay sa temang Agro-Industrialization a path to Sustainable Future. Ang aktibidad suportado ni Mayor Ronnie Vicente Lagnada aron madasig ang mga kabataan sa dakbayan nga mopakita sa mga talento ug inobasyon pinaagi sa art.