Malampuson nga natapos ang gipahigayong site visit sa mga bisita gikan sa Municipality of Luna ug Municipality of Bangar, Province of La Union. Gibisita nila ang City Agriculture and Veterinary Department, Nursery sa Agriboost nga nahimutang sa Barangay Pigdaulan, Butuan City Manpower Training Center kun BCMTC, City Health Department, City Tourism and Cultural Affairs Department kun CTCAD, ug National Museum sa Butuan. Nakita sa mga bisita ang nindot nga pamaagi sa pag tanom sa agriboost project lakip na ang pag-amuma niini, ang mga tools nga gigamit alang sa mga nag eskwela ilawom sa programa sa BCMTC, ang pagpangusog sa programa sa mental health, promotional videos, checking of establishment, pag suporta sa IP sa buhatan sa CTCAD, ug ang Balangay nga gipasigarbo sa Butuan nga naa sa National Museum. Nahimong interesado ang gipahigayong site visit alang kanila tungod nakakuha sila og mga ideya nga pwede nilang magamit sa ilang opisina. Malipayon ang lokal nga panggamhanan sa Butuan sa gihimung benchmarking sa mga taga Municipality of Luna ug Municipality of Bangar, Province of La Union nga napili nila ang syudad para himoun ang benchmarking, ug nanghinaot nga daghan sila og nakat-onan nga pwede nilang magamit sa ilang lugar.