Gipahigayon sa lokal nga panggamhanan sa Butuan pinaagi sa City Agriculture Office ang site visit sa area sa Barangay Tungao ning syudad asa gisugdan na ang paghimo sa mga pasilidad alang sa proyekto human nadawat ang 10 million pesos nga kantidad sa pondo sa pagpatuman sa pagpataas ug pagpalambo sa local swine industry sa syudad. Kini ilawom sa Integrated National Swine Production Initiatives for Recovery and Expansion kun INSPIRE sa DA-Caraga. Mahinumduman nga gidawat na sa Km7 Farmers Producers Cooperative o KFPC isip benificiary ang checke nga nagkantidad og 10 million pesos gikan sa Department of Agriculture Caraga. Ang proyekto usa sa Community-Based Swine Production nga nakatutok sa clustering ug consolidation sa INSPIRE Program sa DA-Caraga nga nagtinguhang pagpalagsik ug pagbangon sa local swine industry ingon man pagpataas sa kapasidad nga makaproduce og igong supply sa hogs ug pork ang syudad sa Butuan ug caraga region. Gipahugtan ug gipaningkamutan ni Mayor Ronnie Vicente Lagnada ang partnership sa mga ahensya sa national sama Department of Agriculture aron padayon nga makabenepisyo ang katawhan sa nagkadaiyang programa ug proyekto nga gikan sa national government.