𝗦𝗜𝗡𝗚𝗞𝗪𝗘𝗡𝗧𝗔 𝗞𝗔 𝗕𝗔𝗧𝗔 𝗡𝗚𝗔 𝗛𝗜𝗚𝗔𝗢𝗡𝗢𝗡 𝗡𝗔𝗞𝗔𝗕𝗘𝗡𝗘𝗣𝗜𝗦𝗬𝗢 𝗦𝗔 𝗦𝗘𝗥𝗕𝗜𝗦𝗬𝗢𝗡𝗚 𝗠𝗘𝗗𝗜𝗞𝗔𝗟
September 05 2023, Tuesday 01:19 PM
Nahimung kabahin ang lokal nga panggamhanan sa Butuan sa paghatag sa serbisyong medical sa mga batang Higaonon sa Barangay Bit-os ning syudad.
Kini subay na sa selebrasyon sa Philippine Civil Service Anniversary matag bulan sa Setyembre. Gipahigayon ang Linggo ng Pasasalamat asa nabenipisyo ang mga mga batang Higaonon.
Gikalipay sa singkwenta ka mga batang Higaonon sa Barangay Bit-os ning syudad ang dala nga serbisyong medikal ug social responsibility hatud sa Civil Service Commission - Caraga katambayayong ang ubang ahensya sa gobyerno, adlawng Sabado.
Nakabaton ang mga bata og tambal, vitamins, ug medical kits. Gisigurado usab sa ahensiya nga nasusi sa mga doctor ang mga bata ug nakabaton sab sa libreng gupit ang mga batang lalake sa tribu.
Mapasalamaton ang CSC-Caraga sa mga partner agencies niini aron mahimong produktibo ang kalihukan nga gilangkuban sa LGU-Butuan pinaagi sa City Health Office, Provincial Government of Agusan Del Norte, ug 23rd IB Philippine Army.
NEWS ARTICLES