Nasakmit sa Contingent no.4 Sidlak Dance Troupe ang First Place sa Mini Kahimunan Competition 2025 nga gipahigayon sa Sto.Nino Diocesan Shrine sa Barangay Libertad. Midawat sila sa cash prize nga 150 thousand pesos. Nakuha ang 2nd place sa Contingent no. 5 Hugyaw Dance Community SK Bonbon nga midawat og cash prize nga 120 thousand pesos ug 3rd place ang Contingent no.6 Baan Riverside Dance Company nga midawat og cash prize nga 100 thousand pesos. Samtang ang uban grupo midawat og consolation prize nga nagkantidad og 50 thousand pesos ug tag 10 thousand pesos sa mga special awards. Ang mga performances sa matag contingent nagpakita sa pagpalig on ug pagpalapad sa pagtuo sa labaw nga makagagahum bisan paman sa mga nasinating mga pagsulay sa kinabuhi. Ang kalihukan gipangunahan sa Sto Nino Diocesan Shrine sa Barangay Libertad ning syudad sa Butuan isip kabahin sa mga kalihukan sa kapistahan ni Sr. Sto Nino karong Enero 19. Nagpasalamat ang pamunuan sa Sto Nino Diocesan Shrine sa hugot nga suporta sa LGU Butuan pinaagi ni Mayor Ronnie Vicente Lagnada.