Gipahigayon sa City Housing and Development Office ang Shelter Planning Workshop-Writeshop sa Pavilion X, Watergate Hotel and Convention, Butuan City nga gisugdan Setyembre 26. Mitambong ang mga pribadong developers ug representante sa managlahing opisina sa lokal nga panggamhanan sa Butuan sa gipahigayon nga upat ka adlaw nga Shelter Planning Workshop-Writeshop. Mapasalamaton si Engr. Cedrick Butao, Hepe sa City Housing and Development Office ngadto sa Department of Human Settlement and Urban Development Caraga sa paghatag sa ilang kaalam kalabot na sa Shelter Formulation sa Local Shelter Plan lakip na sa Republic Act No. 7279 o mas nailang Urban Development and Housing Act of 1992. Ang kalihukan nag tumong sa paghatag og kahibalo sa mga representante aron mahatag nila ang ilang kalidad nga serbisyo sa katawhan sa pag pasabot kung unsa kining programa sa gobyerno alang kanila. Suportado ni City Mayor Ronnie Vicente Lagnada ang aktibidad labi pa nga ang Lokal nga Panggamhanan sa Butuan padayon nga naghatag og libreng luna alang sa mga residenteng namuyo duol sa danger zone, nasunugan, apektado sa demolisyon ug solo parent. Gilauman nga mahuman ang aktibidad karong adlawa, Biyernes.