Mapasalamaton ang mga residente sa Barangay Doongan ning syudad sa dakung kausaban sa barangay ilabina sa manindot ug sementado na nga dalan. Sumala sa residenteng si Restier De Guzman hayahay na kaayo ang dalan karon lahi ra kaniadto nga lisod ug lapok kaayo labina na kung mag-ulan. “Ok na nuon kaysa atong libaong, grabe ka lapok diri lisod ang agianan ang problema lang pod karon kay kusog na kaayo magpadagan sa mga sakyanan diri. Hayahay na duol na paminawon nga nasemento na.” ang pamahayag ni Restier De Guzman. Ang pagpangsemento sa kadalanan sa Barangay Doongan gipatuman sa City Engineering Department sa lokal nga panggamhanan sa Butuan nga usa sa prayoridad ni Mayor Ronnie Vicente Lagnada alang sa hayahay nga byahe sa mga residente ug sa mga musulod nga negosyante.