Suportado sa lokal nga panggamhanan sa Butuan sa pagpanguna ni Mayor Ronnie Vicente Lagnada ang gipahigayong Butuan Roadshow on Capital Formation alang sa MSMEs ug StartUps sa pagpanguna sa Securities and Exchange Commission sa Pavillon Convention ning syudad sa Butuan. Sa kalihukan usa sa nahisgutan ang pagmugna sa capital market ug ang benipisyo niini sa MSMEs ug Start Ups businessess lakip ang Oportunidad sa Crowdfunding isip Capital-raising Activity alang sa MSMEs ug StartUps. Ang mga small businesses o MSMEs nag atubang sa tagsa-tagsang hagit sama sa walay undang nga utang ug kulang sa access sa sources sa formal funds. Hinungdan dakung tabang ang kalihukan aron masuportahan ang mga MSMEs ug startups tungod mao kini ang rason nga motaas ang ekonomiya sa usa ka syudad. Basi sa SEC survey sa mga miaging tuig 99.5 percent sa mga negosyo sa nasud mao ang MSMEs asa 63 percent niini ang nakuha sa local workforce nga naka contribute og dakong prosyento sa gross domestic products sa nasud. Positibo si Mayor Lagnada nga ang mga small businessess dunay dakong potensyal nga modako tungod ang mga korporasyon nagsugod sa gamay. Isip capital hub sa caraga region usa nga gitan-aw nga angayang tutukan ang ventures sa agriculture alang sa food security. Atol sa aktibidad gilatag ni Mayor Lagnada ang mga long term big ticket projects nga gitutukang mapatuman ug ipatuman pa sa dakbayan sa Butuan sama sa Butuan City South District Complex, Command Center for Disaster Response, Butuan City Central Police Station, Uptown Bancasi Rotunda, Upgrading sa Butuan Medical Center to Level III Hospital, development sa Masao Port, Logistical Highways ug uban pa. Gtutukan ni Mayor Lagnada ang pagpalambu sa inprastraktura sa Butuan City tungod usa kini sa lantawon sa mga investors aron mububo og negosyo sa syudad.