Suportado sa City Environment and Natural Resources Department ang ScrapCycle.ph nga gilusad sa mga kanhi estudyante sa Caraga State University. “Na amaze ko pag present nila kay mga bata pa kaayo tas entrepreneur minded na, business minded na. Willing me support sa ilang mga plano,” pahayag ni Forester Jess Ivan Saburao, Acting Department Head, CENRD. Admitado si CENRD Acting Department Head Forester Jess Ivan Saburao nga daku ang matabang sa ScrapCycle.ph sa problema sa recyclable waste. Dili ikalimod nga mapuno sa mga recyclable waste ang mga MRF sa matag barangay sa syudad. “Ang mga barangay nag problema sa ilang MRF nga puno na ilang recyclable, problema gyud na nila. Ipasa na nila sa amo ang pag kolekta. Bawal man gyud mag kolekta og recyclable ang city kay sa barangay mana. Karon kay naa ang Scrapcycle makatabang gyud sila kay willing man sila mo palit og recyclable materials,” dugang pahayag ni Forester Jess Ivan Saburao. Daku ang pagtuo ni Forester Saburao nga pinaagi niini nga proyekto matabangan ang Lokal nga Panggamhanan sa Butuan nga mamenusan ang problema sa basura labi pa nga ang ginakolekta ug palit sa ScrapCycle.ph mga recyclable materias sama na sa botelya, plastic, lata, e-waste, papel, karton, ug uban pa. Mas kombenyente pa ang apps nga gamiton tungod igo lang mag book og schedule ug ipick-up lang dayon kini sa ScrapCycle.ph. Nanghinaot ang CENRD nga masustenar ang proyekto sa mga young professionals’ para dili na mag lisud ang katawhang Butuanon sa pag labay sa ilang mga recyclable materials.