Hingpit nga nagpahigayon ang Department of Health - Caraga katambayayong ang Lokal nga Panngamhanan pinaagi sa City Health Office ang hugtanong paghatag kahibalo sa tanan mahitungod na sa sakit nga tipdas. Ang tipdas usa ka sakit nga makatakod tungod usa kini ka measles virus. Ang tipdas posibleng maghatag og kumplikasyon sama sa Pneumonia, Ear Infection kon Otitis Media, Conjunctivitis, Pagkalibanga, ug Paghubag sa utok kon Encephalitis. Nakita nga usa sa grabeng kumplikasyon sa tipdas ang paghubag sa utok kon Encephalitis asa pwede ning makaapekto sa pangutok sa usa ka bata nga nag edad 7 hangtud 10 anyos. Pahinumdom sa tanan nga ang sintomas sa tipdas mao ang hilanat, ubo, sip-on, pagpula sa mata, ug pula nga mga katol-katol o rashes. Panawagan ni Mayor Ronnie Vicente Lagnada sa tanan residente nga pabakunahan ang ilang mga anak labina dunay mga gitanyag nga mga libreng bakuna kontra sa sakit nga tipdas.