Mi-abiso ang City Civil Registry Department kun CCRD sa mga dunay plano nga magpakasal, nagsugod na sila og dawat og aplikante alang sa pagabuhaton nga libreng Kasal ngani Butuan karong bulan sa Mayo. Dunay 50 ka slots ang gi-andam sa CCRD ug first-come, first-served basis kini hangtud sa mapuno ang 50 ka slots. Alang sa mga interesado mamahimo sa pag comply sa mga rekisitos: - Kinahanglan 23 anyos pataas ang edad - Affidavit of Long Cohabitation (more than 5 years na nga nag-ipon og puyo) - Barangay Certification - CENOMAR - Certificate of Live Birth - Valid ID Kung ma kumpleto ang rekisitos ipasa dayon kini sa CCRD office nga nahimutang sa 1st Level sa City hall Bldg.