Gipahigayon ang usa ka kick-off meeting sa tulo ka buhatan sa lokal nga panggamhanan sa Butuan sa pagpanguna sa 2nd City Audit Committee Meeting kauban ang City Internal Audit Services Department (CIASD) kaniadtong, June 4. Kini aron masugdan ang Risk-based Internal Audit Engagements sa City Health Department (CHD), City Accounting Department (CAD) ug Butuan Medical Center (BMC). Gi presentar usab sa CIASD ang mga scope of audit niini sa tulo ka buhatan ug mga lakang sa pag audit sa opisina. Nanghinaut si Dr. Hendry Plaza, Acting City Health Officer sa CHD nga mas matabangan pa sila sa CIASD pinaagi sa audit ang pag improve sa ilang mga proseso labi na nga ongoing ang implementasyon sa reorganization plan. Sumala sab ni Konsehal Cherry May Busa, malipayon kini sa mga kalambuan sa BMC ug CHD ug naghinaut usab nga ang resulta sa nasangpit nga audit makapadugang pa sa kalambuan sa health sector isip usa sa mga political flagship program nila. Naghinaut usab si Mayor Ronnie Vicente Lagnada nga makatabang pa ang audit sa mga hagit nga giatubang karun sa mga opisina sa health sector lakip na ang sa CAD nga maoy lead sa internal control sa financial aspect sa CGB. Nagpasalamat siya sa makanunayong kalambuan nga nahatag ni CIASD pinaagi sa epektibo nga internal audit. Gipangunahan ni Mayor Lagnada ang 2nd City Audit Committee Meeting uban ang mga miyembro sa Audit Committee nga sila Konsehal Joseph Omar Andaya, Konsehal Cromwell Nortega, Konsehal Cherry May Busa, ug Konsehal Ehrnest John Sanchez. Ang CIASD gipangunahan ni March Belle Lor, CPA isip Acting Department Head kauban niini ang mga Internal Auditors sa CIASD ug ang SGV&Co. isip consultants CGB. Karong bulana, gisaulog ang Internal Audit month ug gilaumang muabot na sa “Advanced” stage ang lebel sa Internal Audit Maturity nga kasamtangang anaa karon sa “Established.”