Gipahugtan sa mga personahe sa City Agriculture and Veterinary Department kun CAVD ang rice monitoring sa mga kabasakan sa nagkadaiyang barangay sa syudad sa Butuan gumikan sa nasinating sunod-sunod nga pagbundak sa ulan sa mga miaging adlaw. Nasuta nga kadaghanan sa damyos nalumos sa tubig ulan nga mga humay anaa pa sa seedling stage. Tungod niini giklaro usab sa City Agriculture and Veterinary Department nga kung ang tanum nga humay anaa pa sa seedling stage dili pa kini macover sa Department of Agriculture -Philippine Crop Insurance Corporation kun DA-PCIC. Gipaningkamutan ni Mayor Ronnie Vicente Lagnada pinaagi sa CAVD nga mamahimong katambayayong ang DA-PCIC aron masuportahan ang mga mag-uuma nga dunay mga tanum nga nakaangkon og damyos gumikan sa mga kalamidad ilabina kung anaa na sa reproductive hangtud maturity stage ang tanum nga humay.