Gipahugtan sa City Agriculture Office kauban ang Department of Agriculture-PhilRice Agusan ug Central Experiment Station ang pagpahigayon og Rice Disease Collection Monitoring sa nagkadaiyang Rice Farm sa pipila ka barangay ning syudad. Kini gilangkuban sa Barangay Baan Km3, Barangay Lemon, Barangay Pigdaulan ug Barangay Tagabaca. Kini samtang wala pa niabot ang harvest festival sa ikaduhang cropping season karon nga tuig. Gikonsidera ang Rice Disease Collection ug Monitoring alang sa pagvalidate sa data collection ug pagmonitor sa mga nagtanum og humay apil na ang pagkolekta og samples sa mga infected rice plant aron mahatagan sa kinahanglan ug saktong diagnosis. Matag ting tanum sa humay ang mga personahe sa City Agriculture Office molibot sa mga kahumayan nga gipanag-iyahan o girentahan sa mga Rice Farmers nga Butuanon aron magiyahan ug matabangan kini sa pagsugpo sa mga sakit ug peste nga niataki sa humay. Kini nga inisyatibo suportado ni Mayor Ronnie Vicente Lagnada aron makab-ot sa syudad ang taas nga produksyon sa bugas nga humay sa dakbayan.