Aktibong misalmot ang mga Rice Farmers sa dakbayan sa Butuan sa 12th Farmers Field Day ug Harvest Festival sa Caraga State University Compact Farm Barangay Ampayon ning syudad, miaging semana. Ang CSU Compact Farm nagtanum og organic rice asa gihimong demonstration site sa mga mag uuma sa syudad sa Butuan. Subay niini, milibot ug mituon ang mga rice farmers sa bag-ong teknolohiya sa pagtanum og organic rice sa mismong Compact Farm. Gitan aw sab niini ang klase- klaseng variety sa humay nga muhaom sa pabag o -bag o nga panahon uban sa mga agricultural extension workers sa City Agriculture and Veterinary Department ug DA-ATI nga migiya kanila. Ang kalihukan hugtanung gisuportahan ni Mayor Ronnie Vicente Lagnada pinaagi nila City Councilor Arturo Gado, Committee Chairperson sa Agriculture, Fishery and Agro-Forestry ug City Councilor Eduardo Gonzalez inubanan sa Department of Agriculture Caraga ug DA-ATI aron makab-ot sa syudad ang taas nga produksyon sa homay sa syudad. Ang Farmers Field Day gipangunahan sa City Agriculture and Veterinary Department sa lokal nga panggamhanan sa Butuan.