Padayong gidasig sa lokal nga panggamhanan sa Butuan pinaagi sa City AgriculturesOffice ang tanang Rice Farmers sa syudad sa pagpausbaw sa pagproduce og taas nga kalidad sa humay ug ang pag adopt sa modernization program nga paagi sa panguma. Kini gumikan sa nagkataas nga demand sa maayong kalidad sa humay sa merkado aron dili na usab kinahanglang moangkat pa sa laing dapit. Tungod niini, gipahugtan usab karon sa nasangpit nga buhatan ang pagpailawom sa mga mag-uuma sa pagbansay kabahin sa High-Quality Inbred Rice Production ug Farm Mechanization apil na ang Financial Literacy aron matudluang modumala sa abot ang mga mag-uuma sa syudad sa Butuan. Buot ni Mayor Ronnie Vicente Lagnada nga mas mapalawman ang kahibalo sa mga mag-uuma sa tanang aspeto gikan sa pagdumala sa kita sa abot sa kaumahan, pag adopt sa bag-ong pamaagi aron mas mokunhod ang oras sa pagtanum, momenus ang gasto ug makabaton sa dako nga produksyon ug taas nga kalidad sa humay asa pwedeng makakompetensya sa laing dapit.