Giaprobahan na ni Mayor Ronnie Vicente Lagnada pinaagi ni Vice Mayor Lawrence Fortun isip Acting City Mayor ang City Ordinance no. 6940-2023 alang sa rebisyon sa SP Ordinance no. 3928-2012 o mas naila nga Watershed Code sa Butuan City. Kini aron mapakusgan ang pagpatuman sa proteksyon, konserbasyon, rehabilitasyon ug pagdumala sa watersheds asa jurisdiction pa sa syudad sa Butuan. Nakalatid sab sa ordinansa nga palisiya sa city government sa Butuan mao ang pagmintinar sa kahimsog ug ecologically sound watershed areas asa haum sa panginahanglan sa tawo ug kinaiyahan basi sa framework sa malungtarong kalambuan. Daghan ang angayang ikonsidera sa revised Watershed Code sa gilangkuban sa environmental ug ecological sustainability, social ug cultural sustainability, economic ug recreational sustainability ug ang institutional ug political sustainability aron magmalungtaron ang pagdumala niini. Ang Watershed Code gilangkuban sa 16 identified sub-watersheds nga aprobado sa Comprehensive Land Use Plan kun CLUP ug Forest Land Use Plan kun FLUP sa Butuan City. Kini giandam sa city government sa Butuan ug Department of Environment and Natural Resources DENR Caraga Region ug ubang areas nga gideklara base sa watersheds areas asa gitun-an sa City Planning and Development Office, City Environment and Natural Resources Department ug ang opisina sa Presidente. Coverage ug regulasyon sa watershed areas nag-ingon nga bisan unsa ang ipahigayong aktibidad sa Taguibo Watershed kinahanglan haum sa Presidential Proclamation no. 1076 series sa 1997 alang sa pagmugna sa Taguibo Watershed ug Integrated Watershed Management Plan IWMP. Samtang base sa Section 8 katuyuan niini nga code nga ang tanang areas sulod sa watershed nga nahulog ilawom sa kategorya sa environmentally critical areas basi sa Philippine Environmental Impact Statement EIS System kinahanglan protektado kini, palambuon ug ikonserbar subay sa guidelines sa EIS System. Kinahanglan sab nga ang tanang aktibidad sa Prime Agricultural Areas ug Strategic Agriculture ug Fisheries Development Zone paningkamutang malungtaron ug ang crop suitability assessment ug mapping sulod sa watershed areas asa pangunahan sa City Agicultures Office ug ang resulta niini ilakip kini sa Integrated Forest ug Watershed Management ug Sustainable Area Development Plan sumala sa section 12 sa ordinansa. Sa section 18 sa ordinansa kalabot sa promotion sa green infrastructure ug technologies ang city government sa Butuan mao ang manguna sa pagpromote sa pagmugna sa green infrastructure sama sa rainwater harvesting, rain gardens, permeable pavements, green parking, green roofs ug pag gamit sa renewable sources sa energy. Giklaro sab niini nga ang City Engineers Office mao ang mag incorporate sa green infrastructures design ug implementasyon sa developments projects. Base usab sa section 19 sa ordinansa gisaysay dinhi nga sulod sa lima ka tuig gikan sa effectivity sa code ang city government sa Butuan maoy manguna sa paghatag sa panginahanglanon sa WMC ug WMMTs nga dunay smart monitoring ug surveillance systems ug technologies. Ang city government sa Butuan usab ang maghire og daghang forest rangers basi sa rekomendasyon sa WMC nga magmonitor sa stado sa kalasangan. Sa final provision sa watershed code ang City Environment and Natural Resources Department mao ang magplano ug magpatuman sa komprehensibong public awareness programs ug mga aktibidad sa watershed protection pinaagi sa pagtinabangay ug paningkamot sa inter-office/agency ug multi-sectoral. Nanguna sa pagpangamahan sa ordinansa sila City Councilor Victor Plaza uban nila Vice Mayor LawrenceFortun, Konsehal Cromwell Nortega, Vincent Rizal Rosario ug Cynth Zephanee Nietes.