𝗥𝗘𝗦𝗨𝗟𝗧𝗔 𝗨𝗚 𝗢𝗕𝗦𝗘𝗥𝗕𝗔𝗦𝗬𝗢𝗡 𝗦𝗔 𝗜𝗡𝗧𝗘𝗥𝗡𝗔𝗟 𝗔𝗨𝗗𝗜𝗧, 𝗛𝗜𝗠𝗨𝗢𝗡𝗚 𝗖𝗛𝗔𝗟𝗟𝗘𝗡𝗚𝗘 𝗦𝗔 𝗣𝗔𝗚𝗣𝗔𝗟𝗔𝗠𝗕𝗢 𝗦𝗔 𝗦𝗘𝗥𝗕𝗜𝗦𝗬𝗢 – 𝗠𝗔𝗬𝗢𝗥 𝗥𝗖𝗟
July 27 2023, Thursday 09:13 AM
Gidasig ni Mayor Ronnie Vicente Lagnada ang tanang Department Heads nga miagi sa internal audit nga himuong challenge sa pagpalambo sa serbisyo ang obserbasyon ug resulta atol sa gipahigayong Risk-based Internal Audit (RBIA) sa City Internal Audit Services Office kun CIASO nga nahisgutan sa 2nd Audit Committee Meeting sa FY2023.
Pinaka-unang gipailalom sa maong meeting ang Butuan Medical Center ug gisunod ang City Accounting Office ug City Treasury Office. Na obserbahan nga daghan pang angayang tutukan ug palambuon sa sistema ug serbisyo ilabina ang pagpalambo sa serbisyong panglawas.
Nagpasalamat si Mayor Lagnada ug ang mga miyembro sa Audit Committee sa resulta sa internal audit nga gipahigayon sa CIASO uban sa tabang gikan sa SGV & Co. consultants. Ang tanang obserbasyon paga aksyonan sa matag opisina uban ang suporta gikan sa City Information and Communications Technology Office gamit ang mga bag-ong teknolohiya aron matutukan ug mas mapalambo pa ang serbisyo sa katawhan.
Gipangunahan ni Mayor Lagnada ang 2nd Audit Committee Meeting uban ang mga miyembro sa Audit Committee nga sila Konsehal Joseph Omar Andaya, Cromwell Nortega, Cherry May Busa, ug Ehrnest John Sanchez. Naa usab si Konsehal Eduardo Gonzalez isip pangulo sa SP Committee on Health and Sanitation.
NEWS ARTICLES