Aprobado sa tibook pwersa sa Sangguniang Panlungsod members ang SP resolution sa paghatag og Cash Achievement Incentives sa Butuanong Atleta nga si Ejay Galendez. Kini human nasakmit ang Gold Medal sa U23 male under 23-60 kg Category sa İnternational Federation Muaythai Association IFMA Asian Muay Thai Open Invitational Cup adtong Oktubre 17-23, 2024 sa Taipei Taiwan. Ang paghatag og insentibo sa mga Butuanong atleta subay sa SP Ordinance no. 6169-2020 nga gipangamahanan ni City Councilor Cromwell Nortega ug gi-aprobahan ni Mayor Ronnie Vicente Lagnada. Gi-ila sa SP members sa pagpanguna ni Vice Mayor Lawrence Fortun ang kalampusan sa Butuanong Atleta ug Coach niini tungod usa kini nga inspirasyon sa uban aron mopursige sa nagkadaiyang talento. Samtang ang SP resolusyon giduso usab ni SK Federation President Joseph Manuel Morcilla.