Gi-aprobahan sa Sangguniang Panlungsod sa pagdumala ni Vice Mayor Lawrence Fortun ang SP Resolution no. 370-2022 nga pag Localize sa Early Warning System kun EWS ug Operating Procedures on Emergency Preparedness and Response sa Butuan City per Disaster Risk Reduction and Management Council CDRRMC resolution no. 2022-10 series of 2022. Kini aron makasigurong dunay tukmang pagpakaylap sa impormasyon sa komunidad ug makasiguro usab nga makaandam ug makatubag panahon sa mga emerhensiya ug kalamidad subay sa Philippine Disaster Risk Reduction and Management Act sa 2010. Daku usab ang kalambigitan sa CDRRMC sa pagpangandam pinaagi sa paggamit sa mga online platforms ug pag establesar sa multi-sectoral agencies sama sa GeoRisk Philippines, Forecast Weather Conditions-PAGASA, Windy:wind map and weather forecast ug ang Minadanao Online Water Level Monitoring kini isip pagpalapad sa pagpangandam sa local government unit pinaagi sa CDRRMO uban sa suporta sa DILG ug DSWD pinaagi sa nagkadaiyang programa niini. Manguna usab ang Local Disaster Risk Reduction and Management Councils kun LDRRMCs sa pagpangandam, pagresponde ug pagbangon gikan sa mga nahimong epekto sa mga kalamidad base sa mosunod nga criteria. Kini gilangkuban sa Barangay Development Committee kung ang barangay apektado, City/Municipal DRRMCs knug sobra na sa duha ka barangay ang apektado, Provincial DRRMC kung sobra sa duha ka syudad o munisipalidad ang apektado, Regional DRRMC kung sobra duha ka probinsya ang apektado ug NDRRMC kung sobra na sa duha ka rehiyon ang apektado. Human sa mga pag review sa Localized Early Warning System EWS ug Operating Procedure on Emergency Praparedness and Response nakita sa Sangguniang Panlungsod members sa pagpanguna ni Vice Mayor Fortun nga kinahanglan kining suportahan ug ipatuman sa city government sa Butuan isip mga lakang sa pagpalig-on sa pagpangandam sa mga posibleng muabot nga kalamidad ug emerhensiya.