Gi-aprobahan na sa Sangguniang Panlungsod Butuan sa pagpanguna ni Vice Mayor Lawrence Fortun ang SP Resolution no. 16-174-2024. Kini mahitungod sa pagtugot sa himuon nga pinirmahay sa Memorandum of Agreement MOA tali na sa lokal nga panggamhanan sa Butuan pinaagi ni Mayor Ronnie Vicente Lagnada ug Philippine Charity Sweepstakes Office PCSO alang sa mas sayon nga healthcare ug financial access. Kini pinaagi sa pagmugna og Malasakit Center PCSO Desk sulod sa Butuan Medical Center kun BMC. Maghatag kini og sayon nga access sa medical ug financial aid sa mga low income nga mga residente sa syudad sa Butuan. Ang Malasakit Center PCSO Desk usa ka one stop shop nga gipasayon ang proseso sa pagkuha sa medical assistance sa mga naglisod sa pinansyal nga mga pasyente pinaagi sa pagtinabangay sa city government sa Butuan ug PCSO. Ang resolusyon uban nga gipangamahanan nila City Councilor Victor Plaza ug Cromwell Nortega.