Hapit na mahuman ang konstruksyon sa 4 lanes nga bag-ong tulay sa Barangay Agusan Pequeňo ning syudad. Napatuman kini tungod sa paningkamot sa lokal nga panggamhanan sa Butuan pinaagi ni Mayor Ronnie Vicente Lagnada, SP members sa pagpanguna ni Vice Mayor Lawrence Fortun, Congressman Jose Aquino ll ug sa maayong partnership sa national government pinaagi sa Department of Public Works and Highways DPWH-Regional Office 13. Ang residenteng si Jean Madelo, nagpasalamat nga natuman na ang konstruksyon sa tulay aron wala nay mahitabong mga disgrasya. “Kami diri nga mamumuyo mapasalmaton gyod mi nga niabot na ang bag-ong tulay dako kining tabang sa mga lumalabay labi na karon kay 4 lanes siya so daghan kaayong salamat labi na sa atong mayor nga si Mayor Ronnie Vicente Lagnada tungod ani iyang gihatag nga bag-ong opportunity nga tulay mas maayo nag yod ang pagbyahe,” pahayag ni Jean Madelo, residente sa Barangay Agusan Pequeňo. Gisiguro sab sa lokal nga panggamhanan sa Butuan uban sa mga opisyales sa barangay ug DPWH nga miagi sa public consultation ayha gipatuman ang proyekto.