Nasakmit sa representante sa Nasipit National Vocational School ang first place sa natigayong Narrative Corner: Spoken Word Poetry Competition kagahapon sa South Atrium Robinsons Place Butuan. Nadawat ni Lonell Castilian ang 5,000 pesos, plaque ug certificate. Samtang second place sab si Junas Modanza sa Caraga Regional Science High School nga nakadawat og cash priza nga 3000 pesos, plaques ug certificate. Third place si Lolita Jane Salazar sa Bayugan National Comprehensive High School nga nakadawat og cash award nga 2000 pesos, plaque ug certificate. Nakadawat sab og tag 1000 pesos, plaque ug certificate ang duha ka contestant isip consolation prize. Ang Narrative Corner: Spoken Word Poetry Competition nakasentro sa kultura ug tradisyon sa mga caraganon nga nagtinguhang maila pa sa ubang dapit. Kini nga aktibidad usa lamang sa nakalinyang programa sa Creative Caraga Festival nga hugtanung gisuportahan ni lokal nga panggamhanan sa Butuan pinaagi sa City Tourism and Cultural Affairs Department. Atol usab sa nasangpit nga kalihukan anaa usab ang presensya sa Butuanong si Bella Cultura alang sa presentasyon sa Butuanon Orthography aron masabtan sa mga bisita ang importansya sa Butuanon language sa kasaysayan ug kultura sa syudad sa Butuan.