Mibisita pag usab si Mayor Ronnie Vicente Lagnada sa Busan Metropolitan City kauban ang delegasyon sa syudad. Ang pagbisita gatumong sa pagpalig-on sa relasyon tali sa duha ka coastal cities ug pagpangita og mga oportunidad alang sa kolaborasyon. Si Vice Mayor Lee Junseung sa Busan Metropolitan City, mi-abi abi sa delegasyon sa Butuan City. Gitagaan og pagtagad ang mga nabatunang kinaiyahan tali sa duha ka syudad nga parehong daplin sa dagat ug gipalibutan og mga bukid. Iyang gipakita ang kahimtang sa Busan isip Global Tourism City ug nagpahayag og interes sa pagpaambit sa mga best practices sa teknolohiya, mga pantalan, renewable energy, waste management, ug water management. Mipahayag si Mayor Lagnada sa tinguha nga makakat-on sa mga kasinatian ug sa mga kadagkuan sa Busan, ilabi na sa mga public corporations sama sa Busan Metropolitan Corporation (BMC) ug Busan Environmental Corporation (BECO). Iyang gipasundayag usab ang mga dagkong natural resources sa Butuan City ug ang tumong nga mahimong usa ka mas sustainable ug maugmad nga syudad sama ni Busan. Sa meeting, nahisgutan usab ang natural nga proteksyon palibot sa Butuan City nga nahimong gapanalipod gikan sa mga bagyo tungod sa mga naglibot nga mga kabukiran. "The more often we meet, the more fonder we become of each other,”sumala ni Vice Mayor Lee Junseung. “We will definitely come back again and again,” pahayag ni Mayor Ronnie Vicente Lagnada. Ang pagbisita pag-usab sa Busan mas makapasamot sa pagpalig-on pa sa relasyon tali sa duha ka syudad.