Mihatag ang mga National Validators og suhestyon ug rekomendasyon sa City Disaster Risk Reduction and Management Office sa pwedeng buhaton para mas mapalambo pa ang ilang buhatan atol sa natigayong exit conference, Biyernes. Gitan-aw sa mga validators ang mga dokumento sa buhatan lakip na ang mission, vision, organizational structure, Emergency Operation Center kun EOC, Construction Site sa on-going nga command center sa Villa Kananga, Agusan River Base ug pakig one on one nga interview sa mga personahe sa buhatan. Mirekomenda ang National Validators sa pagbuhat og summary sa Standard Operating Procedure kun SOP para mahatagan og kopya ang tanang personahe sa CDRRMO. Gawas niini, gi-komenda nila ang inventory systems sa ALIMAT, ang pag-awhag sa mga personahe sa pag-apil og nagkalain-lain nga training, paghatag og social packages nga nag siguro sa panlawas sa personahe labi pa nga delikado ang ilang trabaho, ug ang diverse ug inclusive nga profile sa mga responders.