Hayag na ang pipila ka dagkung mga dalan sa syudad sa Butuan human nakumpleto ang proyektong street lighting system. Hingpit nang nakumpleto ang pag repair o rehabilitasyon sa street lighting system gikan sa Junction Highway padulong Barangay Libertad padulong Barangay Ambago Elementary School, Barangay Ambago padulong Masao Road padulong Barangay Doongan City Hall, Capitol padulong Junction Bonbon Road ug Baan Bridge o Magsaysay Bridge padulong Barangay Ampayon Rotunda. Ang nasinating kahayag sa nasangpit nga kadalanan gumikan sa Smart light nga materyales nga kabahin sa smart-eco-friendly city project ni Mayor RCL. Kini nga proyekto gipunduhan sa lokal nga panggamhanan sa Butuan ug gipatuman sa City Engineering Department pinaagi sa direktiba ni Mayor Ronnie Vicente Lagnada alang sa luwas ug dunay seguridad nga dakbayan.