Gipahigayon ang Regional Inter-Agency Monitoring Team for the LCAT-VAWC Functionality Assessment CY 2023 kagahapon sa Grand Palace Convention Center. Katuyuan niini nga masayran ang mga lakang sa matag LGU aron mapugngan ang mga abuso ug mahatagan og tabang ang mga victim survivor. Dugang niini aron masayran og unsa pay buhaton nga mawagtang ang mga kaso sama sa trafficking ug uban pang pag abuso sa mga kababayen-an ug kabataan ug mapalambo pa ang paghatag sa serbisyo. “Ang pinaka purpose gyod, para mahibaw-an kung functional ba ang LCAT-VAWC, sa matag munisipyo ug probinsya. Functional siya if ang ilang committee nagprovide og mga service PPAs sa mga related to the trafficking in person and violence against women and their children. Dunay mga indicators nga atong lantawon nga ma measure kung unsa ka functional ang LCAT-VAWC sa matag LGUs and through sa DILG nga issuance magcreate og regional inter-agency monitoring team and compose siya og DILG as chair ang mga members DSWD, DOJ, DOH and PNP. Kanang lima ka opisina mao na ang magatuyok sa mga probinsysa para mag assist. Naa pod siya mga localized nga munisipyo” sumala ni Mary Jean Panchito LGOO V-DILG Caraga. Human sa gipahigayong deliberation nagpasalamat ang LCAT-VAWC Regional Inter-Agency Monitoring Team RIMT sa gipresentang mga dokumento kanila sa pagpanguna sa CSWD. Dayon gipadungog sa komitiba ang angayan pang tutukan ug palambuon sa paghatag sa assistance ug serbisyo. Ang kalihukan gisalmutan ug suportado ni City Councilor Cherry May Busa isip Committee Chairperson sa Family, Women and Children's Welfare uban sa mga personahe sa DILG RO-13, PNP Region 13, BJMP Caraga, DOJ, NBI, BCPO, DILG Butuan, CSWD ug uban pang buhatan sa city government sa Butuan, NGO ug partner agencies.