Personal nga mibisita ang mga personahe sa Securities and Exchange Commission kon SEC Caraga sa pagpanguna ni Regional Director Atty. Jason Tan sa buhatan sa City Business Permits and Licensing Department, miaging semana. Nahisgutan sa panagkita ang pagpahigayon og roadshow sa SEC sa umaabot nga Abril dose.. Gani, giimbitahan ang lokal nga panggamhanan lakip na ang mga nagkadaiyang negosyante sa rehiyon sa Caraga nga mosalmot sa nasangpit nga kalihukan. Pinaagi niini, mapakita sa investment ug crowdfunding platforms nga luwas, legal ug gi rekognisa sa SEC ngadto na sa mga negosyante, MSMEs, professionals ug uban pang interesado nga mga indibidwal. Panawagan sa tanang negosyante sa syudad nga aduna nay opisina ang SEC sa Butuan ug makita kini sa Gov. Jose C. Aquino Sr. Multi-Purpose Building, Sports Complex, Barangay Libertad, Butuan City. Gikalipay ni Mayor Ronnie Vicente Lagnada ang pagtukod sa opisina sa SEC dinhi sa syudad tungod pinaagi niini mas accessible kini para sa mga negosyante sa syudad ug kasikbit nga syudad ug lungsod.