Gipailawom ang Lokal nga Panggamhanan sa Butuan sa validation gikan sa regional assessment team para na sa Seal of Good Local Governance 2023 miaging semana sa VCDU Hotel and Convention Center, Barangay Villakananga Butuan City. Gisuta dinhi ang pito ka governance areas nga gilangkuban sa Financial Administration, Disaster Preparedness, Social Protection and Sensitivity, Health Compliance, Sustainable Education, Business Friendliness, Safety, Peace and Order, Tourism, Culture and Heritage, Environment ug Youth Development. Gitan-aw sa SGLG means of verifications, documentary, evidence and proofs of compliance para makita kung dunay consistency ang paghatag og serbisyo sa katawhan sa syudad sa Butuan. Nihatag dayon og feedback ang mga Regional Assessment Team nga mao sila Ray Gregory F Jaranilla LGOO VII / Chief, LGMED, Florian Faith Jr. Bayawa, LGOO VI / RFP SGLG Asst. Division Chief, LGMED, Dr. Jason Ryan Lam, LGOO VI, LGMED, Winston Salvador, Propegemus Foundation CSO atol sa assessment ang mga focal person sa pito ka governance areas aron makahibalo sila ug unsay angayan nga buhaton para ma comply na nila kini sa umaabot. "Ang pinakabasic nga buhaton mao ang sharing of information nga it will not end sa atong level but it should be shared basin naa pay mga brilliant nga ideas ang atong other nga mga partners para matabangan atong mga particular nga mga sector" sumala ni ARD Donald Seronay, OIC, DILG Caraga ngadto sa mga focal persons nga nisalmot. Gipasalamatan ni Konsehal Cromwell Nortega, Chairperson, Committee on Good Government, Ethics, Human Rights, Laws, Rules and Styles ang mga focal person sa ilang dedikasyon ug pag paningkamot para ma-improve, ug mahatud ang serbisyo sa katawhan sa Butuan. Gi-awhag sab niya ang mga focal nga mahimong proactive sa matag adlaw. Ang Seal of Good Local Governance kun SGLG usa ka award ug incentive program sa local government units nga mag-awhag ug mahagit ang tanang probinsya, syudad ug munisipyo sa pag improve sa ilang performance ug service nga naka set sa core areas ug essential areas.