Malampusong gipahigayon ang Regional Assessment sa 2024 Seal of Good Local Governance sa Almont Inland Resort, ning syudad, adlawng Martes. Ang Seal of Good Local Governance kon SGLG usa ka institutionalized award, incentive, honor, ug recognition-based program sa padayon nga pag hatag sa people-oriented reforms. Kini naghatag og higayon sa lokal nga panggamhanan aron magpabilin ang pagbuhat sa good governance taliwala sa mga hagit nga anaa ilawom sa mga LGUs. Gi presenta sa mga personahe sa LGU ngadto na sa mga validators gikan sa DILG-Caraga ang mga nagkadaiyang accomplishments nga nakuha ilawom sa napulo ka governance areas nga gipangita sa SGLG. Ang nasangpit nga governance areas gilangkuban sa Financial Administration & Sustainability; Disaster Preparedness; Health Compliance & Responsiveness; Sustainable Education; Safety, Peace & Order; Social Protection & Sensitivity; Business - Friendliness & Competitiveness; Environmental Management; Tourism, Heritage Development, Culture & Arts, ug Youth Development. Dunay mga natagana nga mga indicators sa nasangpit nga mga governance areas nga maoy makuting gitan-aw sa mga validators. Gipakita sab sa lokal nga panggamhanan ang mga Mode of Verifications kon MOVs ngadto na sa mga validators. Anchored ang SGLG criteria sa performance management system nga nag focus sa kapasidad sa LGU sa pag deliver sa basic services, governance principles nga dunay transaparensiya ug accountability, ug performance sa pag accomplish sa mga plano, fund utilization, ug lakip na ang frontline service delivery. Nipasalig si Mayor Ronnie Vicente Lagnada nga hugtanong na deliver sa LGU-Butuan ang mga serbisyo ngadto sa katawhan. Gisalmutan sa mga nagkadaiyang personahe sa lokal nga panggamhanan ang kalihukan sa pagpanguna ni Butuan City Mayor Ronnie Vicente Lagnada.