Dili makab-ot ni 𝗔𝗶𝗹𝗲𝗲𝗻 𝗢𝗰𝗹𝗮𝗿𝗶𝘁 kung wala ang disiplina sa kaugalingon, kanunay nga praktis ug paglikay sa bisyo sa matag adlaw aron makuha niya ang kampeonato sa duwang dart. Na-impluwensiyahan si Aileen sa dart tungod kay mahiligon man ang iyang pamilya sa dart. Sekreto niya ang matag adlaw nga praktis aron consistent ang pulso niya pag tira sa dart pin. Admitado si Aileen nga sa duwang dart mas daghan ang mga lalaki apan wa niya nabati ang diskriminasyon tungod sa kategorya nga pwedeng mo partisipar ang mga kababaihan ug dako na kini nga paagi aron mabati nga dunay equality sa nasangpit nga sports. Mapasalamaton si Aileen sa way puas nga suporta sa iyang nakab-ot nga kalampusan ug gi-awhag niya ang mga kabatan-onan sa pag-apil og mga sports aron mahasa ang talento ug skills pinaagi sa mga trainings.