Ang City Economic and Business Development Department kun CEBDD andam na nga modawat ug mga negosyanteng aplikante para sa Food Park, Baklaran (Food and Non-Food), ug Ornamental Plant Section para karong tuiga nga Tabo Hong Balangay 2024. Kwalipikasyon para sa mga interesadong aplikante: 1) Kinahanglan nga usa ka Filipino Citizen; 2) Kinahanglan nga dili moubos sa dise-otso anyos nga pangidaron; 3) Kinahanglan wala pa nadiskwalipikado sa pagpadayon sa pag-abang sa bisan unsang mga yunit sa negosyo sa ekonomiya niining siyudad o natala sa "Black List" sa City Trade, Industry and Investment Promotion Office; 4) Kinahanglan dili sad-an sa usa ka krimen nga naglambigit sa moral turpitude; 5) Mas maayo nga residente sa Butuan City. Sa mga interesadong aplikante, mamahimong magpakita sa ilang interes sa pagbisita sa City Economic and Business Development Department (CEBDD) nga nahimutang sa Ground Floor, JC. Aquino Sr. Multi-Purpose Bldg., Sports Complex, Libertad, Butuan City. Ang deadline sa pagdawat sa mga aplikante taman lamang sa Pebrero 29, 2024. Busa pagdali ug pag-apply na! Para sa mga pangutana, mahimong mokontak pinaagi sa opisyal nga Facebook Page sa City Economic and Business Development Department.