Mainiton nga gi-abi abi sa buhatan sa City Social Welfare and Development Department kon CSWDD ang mga personahe sa Provincial Social Welfare and Development Office (PSWDO) Dinagat Island miaging semana. Mibisita sila aron na sa pag benchmark sa Bahay Pag-asa Butuan City. Nakalinya nga plano sa Provincial Government of Dinagat ang pagtukod sa kaugalingong Bahay Pag-asa. Tungod niini, nag benchmark ang mga personahe sa PSWDO Dinagat sa Bahay Pag-asa Butuan. Nakahatag kini og ideya sa mga best practices nga buhaton kalabot na sa pagpadagan sa center. Nakita sab nila ang istruktura sa pasilidad, budget nga gikinahanglan sa pagtukod niini, ug ang pamaagi sa operasyon sa center aron kini epektibong makatabang sa kabatan-onang nanginahanglan og interbensyon ug pag-atiman. Gipa ambit sab sa CSWDD nga kasamtangan karong nag apply og Accredited Residential Facility ang Bahay Pag-asa Butuan City. Nagpakita kini nga gihingusgan ang pagsunod sa mga sumbanan ug rekisitos aron masiguro ang epektibo nga mga serbisyo ang mahatag.