Nibisita ang Provincial Information Office sa Lanao del Sur sa pagpanguna ni Salma Jayne Tamano, Provincial Information Officer, dinhi sa Butuan City Public Information Office kaganinang hapon. Unang gibisita sa grupo ang Mayor's Office ug City Administration and Management Office. Dayong gisunod ang Butuan City Public Information Office. Gi-presenta ni Michiko De Jesus, OIC sa Butuan City Public Information Office ang Switch On, Spot On ug Full On video sa Lokal nga Panggamhanan sa Butuan para mas masabtan sa mga bisita kung unsa ang mission sa administrasyon para sa dakbayan ug sa mga residente niini. Gi-apil sab og pakita ang mga nagkalain-laing segment sa Butuan City PIO. Gilangkuban kini sa Butuan-On News Update, Butuan-On Aksyon Teleradyo, Suroy sa Butuan, Personality of the Week, PIO 2D, ALIMAT, SNAP News lakip na pod ang mga proseso sulod sa opisina. Dako ang pasalamat ni Provincial Information Officer Salma Jayne Tamano tungod daghan sila og nakat-onan nga pwede ma-apply sa pagpadaghan sa ilang engagement ug followers sa ilang facebook page. Napili nga mag benchmark sa Provincial Information Office of Lanao Del Sur ang Butuan City Public Information Office tungod sa mga nagkadaiyang post niini lakip na sab sa following sa page sa Butuan City PIO nga miabot na sa 179,000 thousand.