Gilusad kaganinang buntag ang una sa mga series sa Provincial Caravans sa Caraga Regional Development Council nga gipahigayon sa Almont Hotel's Inland Resort ning dakbayan. Kini nga kalihukan timaan sa pagsugod sa usa ka komprehensibo nga paningkamot aron mapalambo ang Caraga Regional Development Plan (RDP) 2023-2028 sa mga lokalidad sa rehiyon. Usa kini ka integral component sa communication ug advocacy activities nga gilatid sa gi-aprobahang Caraga RDP 2023-2028 Communication Plan. Gitambungan sab ang caravan sa mga opisyal sa nagkadaiyang LGUs sa rehiyon, academe, mga Regional Line Agencies, Civil Society Organizations ug uban pa. Samtang pinaagi sa Provincial Caravan, napresenta ang Caraga RDP sa Provincial level ug gipakita ang Research & Development and Innovation Products nga naka align sa panginahanglanon sa industriya sa rehiyon pinaagi sa usa ka exhibit. Lakip sa mga exhibit ang Agriboost Project sa lokal nga panggamhanan sa Butuan. Gipangunahan ang caravan sa National Economic and Development Authority kun NEDA.