Gipresentar sa pipila ka Sangguniang Kabataan ang 2025 Annual Budget niini atol sa natigayong Committee Hearing sa Committee on Appropriations ug Accounts sa pagpanguna ni Butuan City Vice Mayor Lawrence Fortun. Human sa diskusyon ug striktong pakigsusi gi-aprobahan sa komitiba ang 2025 annual budget sa Sangguniang Kabataan sa Barangay Bonbon,Tiniwisan ug Lapu-Lapu. Ang proposed budget giduso na sa komitiba sa SP En Banc alang sa dugang lakang. Gikinahanglang nakaplano ang paggamit sa pondo sa Sangguniang Kabataan aron masiguro nga anaa kini sa saktong pagdumala subay sa nakahan-ay ug gipresentar nga plano alang sa hapsay nga pag-implementar sa nagkadaiyang programa. Ang committee hearing suportado nila Konsehal Joseph Omar Andaya, Konsehal Cromwell Nortega, Konsehal Cherry May Busa ug Konsehan John Gil Unay Sr.