Striktong gisusi ug gilantaw sa mga miyembro sa Sangguniang Panlungsod sa dakbayan sa Butuan sa pagpanguna ni Butuan City Vice Mayor Lawrence Fortun ug City Councilor Cromwell Nortega ang mga gidusong plano ug programa sa mga buhatan sa city government sa Butuan kauban ang City Budget Department pinaagi sa natigayong Budget Deliberation sa SP Session Hall. Gisiguro sa Sangguniang Panlungsod nga haum sa panginahanglanon sa katawhan ang nakahan-ay nga programa ug proyekto alang sa kaayuhan sa tanan hinungdan usa-usa sab nga gilantaw ang pondo sa matag buhatan. Gihimo ang budget deliberation aron sayron ang estimated budget expenditures sa revenues sa city government sa Butuan alang sa tibook tuig sa 2025.