Gipailawom sa tulo ka adlaw nga Basic Reception and Tour Guiding Techniques Training Workshop ang mga nagkadaiyang partners sa komunidad sa Southville Convention Barangay Villa Kananga ning syudad, miaging semana. Importanteng mopailawom sa mga pagbansay ang mga tour guide ilabina ang pagsayud niini sa code of ethics for professional tour guides aron mas makadasig og daghang bisita ang syudad sa Butuan tungod ang pagdagsa sa turista makatabang sab sa pagtaas sa ekonomiya. Gipangunahan sa lokal nga panggamhanan sa Butuan pinaagi sa City Tourism and Cultural Affairs Department kun CTCAD katambayayong ang Department of Tourism Caraga ang nasangpit nga workshop. “Gi-conduct namo ni nga activity to train new tour guide diri sa atong syudad para mapromote nato atong syudad ug ang tibook caraga region kay kabalo man gyod ta sa atong syudad nga rich gyod ta sa history and culture. Kung sauna historical sites lang atong gipromote karon kay naa naman tay industrial pwede na nila ipromote atong syudad through industrial tour, naa napod ta farm and eco- tourism” Sumala ni Glenn Partia sa CTCAD. Samtang daku ang pagtuo ni Kagawad Romanito Amante sa Barangay Pagatpatan nga mahimung dugang kita ug panginabuhian sa mga residente sa Barangay Pagatpatan kung padayon nga madevelop ug mapromote ang turismo nga gitanyag sa barangay sa mga bisita. Sumala pa niini ang Pagatpatan naila nga wetland asa daghang klase sa tanom ang makita sama sa kayam. Gani gitukod sab ang Wetland and Research Center gumikan sa mga indigenous nga kahoy nga mitubo ug dunay makita nga klase-klaseng mananap. “Daku kining potential aron makatabang sa atong constituents sa barangay kay Barangay Pagatpatan is offering 24 wonders, daghan turismo sa Pagatpatan hinay-hinay namong gidevelop from 7 wonders sa Pagatpatan karon nahimo siyang 24 wonders. Una, naa tay polynesian chestnut the only polynesian forest sa tibook Pilipinas nga pinakadako ug pinakadaghan ang polynesian chestnut ang gitawag nato sa atong dialect nga kayam,” sumala ni Ramonito Amante.