Nahimong produktibo ang natigayong 2024 Budget Forum alang sa Fiscal Year 2025 Budget Preparation sa Sangguniang Panlungsod Session Hall syudad sa Butuan, miaging adlaw. Kini sa pagpanguna sa lokal nga panggamhanan sa Butuan pinaagi sa City Budget Department. Mismong ang Local Finance Committee ang nanguna sa mga presentasyon sa Annual Investment Plan sa tuig 2025, National Tax Allotment, Sources sa Income sa syudad, Performance Revenue Generating Departments,Comparative Fund Utilization Report sa tuig 2019 hangtud 2023 ug unang semester sa tuig 2024. Usa-usa sab nga gilatag ni Mayor Ronnie Vicente Lagnada ang Setting Up Direction niini alang sa tuig 2025 Annual Budget nga naglangkub sa priority projects niini nga nagpadayon sa kasamtangan ang konstruksyon ug sugdan pa sa tuig 2025. Kini gilangkuban sa Butuan City South District Complex asa anaa dinhi ang Command Center, Butuan City Police Station ug Butuan Fire Central office, proposed Butuan Logistical Seaport, Upgrading sa Butuan Medical Center nga mahimong Level III Hospital, ang pagtukod sa Mindanao Disaster Resource Center sa Barangay Pinamanculan, Butuan City Energy Development Plan tuig 2023 hangtud 2050 ug uban pang dagkung proyekto. Ang nasangpit nga aktibidad gihimo aron masuta ang paghan-ay ug pag andam sa nagkadaiyang programa ug proyekto sa tuig 2025 asa aprobahan sa local finance committee sa pagpanguna ni Mayor Ronnie Vicente Lagnada uban ni Butuan City Vice Mayor Lawrence Fortun ug Sangguniang Panlungsod members aron masigurong dili mausik ang kwarta sa panudlanan sa gobyerno. Gipasalamatan ni Mayor Lagnada ang mga departmento sa lokal nga panggamhanan sa Butuan nga nag level up sa paghatag og serbisyo sa syudad sa Butuan. Aktibo nga gisalmutan ang aktibidad sa mga department head sa lokal nga panggamhanan sa Butuan.