Mibisita sa lokal nga panggamhanan sa Butuan ang mga Department Heads sa lungsod sa Luna ug Bangar sa probinsya sa La Union. Tagsa-tagsa nga gi-presenta sa taga City Planning and Development Department kun CPDD, City Engineers Department kun CED, City Disaster Risk Reduction and Management Department kun CDRRMD, ug City Information and Communications Technology Department kun CICTD ang mga programa ug mga aktibidad nga nakahan-ay para sa pagpalambo sa syudad sa Butuan atol sa benchmarking. Gipakita sa managlahing opisina ang ilang mga proseso sa trabaho, mga plano, mga programa nga gipatuman, ug uban pa ngadto sa mga bisita. Gitubag sab sa mga representante gikan sa CPDD, CED, CDRRMD, ug CICTD, ang mga pangutana gikan sa mga bisita sama nalang sa response time sa taga CDRRMD, systems sa CICTD ug uban pa para mas mahimong klaro ang pagpatuman sa mga programa ug aktibidad nga nag hatag og ensaktong serbisyo sa katawhan sa Butuan. Nahimong produktibo ang pag benchmark sa mga bisita tungod sa mga presentasyon nga gi-andam para kanila lakip na ang pagbinayloay og mga ideya para sa kaayohan sa katawhan.