Gilusad sa Department of Interior and Local Government kun DILG ang KALINISAN (Kalinga at Inisyatiba para sa Malinis na Bayan ) Program o Nationwide Clean up drive program sa tibuok sa Pilipinas, adlawng Sabado. Kini aron buhion ang bayanihan spirit sa pagresolba sa solid waste. Sa Barangay Baan Km.3 sa Butuan City, gipangunahan ni DILG Caraga Assistant Regional Director Donald Seronay kauban ang mga opisyal sa barangay ug mga residente ang paglimpyo sa mga kalat ug basura. "Most importantly ang atong kalihokan karon, really calls for an action sa atong katilingban. There's really a necessity nga kinahanglan ang atong matag barangay will always live para sa atong kalinisan. We are not doing this one because naa ni siya nga activity, but it is always a requirement nga isip usa ka barangay, isip usa ka komunidad, kinahanglan ato gyung ipatigbabaw ang atong pagpanghinlo para atong ma attain ang hapsay ug kalinaw sa atong komunidad" sumala ni Donald Seronay, ARD, DILG CARAGA. Gipasabot sab ni City DILG Charissa Guerta kung unsa ang programa ug ang four components niini nga: Solid Waste Management Program, Community Gardening, Clean-up Drive, ug Performance Audit. Ang nasangpit nga aktibidad mag awhag sa pag mintina sa kalimpyo sa palibot ug makahatag og himsog nga panlawas sa mga tawo pinaagi sa pag capacitate sa LGU, government agency, barangay officials ug mga residente sa pag buhat og lakang para masiguro nga masunod ug masuportahan ang nasudnon nga programa. Kauban sa DILG ang Lokal nga Panggamhanan sa Butuan, 86 ka Barangay sa syudad ug managlahing ahensya sa gobyerno sa paglusad sa kalihukan.