Gipailawom sa profiling ang mga coconut farmers sa syudad lakip mga coconut farmers sa kasikbit nga munisipyo alang na sa Coconut Farmers and Industry Development Plan kun CFIDP, sa Capitol Covered Court, Oktobre 16. Daghan sa mga coconut farmers gikan sa managlahing barangay sa syudad ang nisanong sa profiling ug duna sab taga Buenavista ug Magallanes. Katuyuan sa aktibidad nga ma profile ang mga coconut farmers aron ma enrol sa CFIDP ug maka benepisyo sila lakip ang ilang pamilya sa nagkalain laing serbisyo ug programa gikan sa kinse ka mga ahensya ilawom sa CFIDP. Ang CFIDP basehan sa utilization sa Coco Levy Fund nga usa sa gihingusgan ni kanhi Pangulo Rodrigo Duterte sa iyang termino isip paghatag suporta sa mga coconut farmers ug sa mga pamilya niini. Anaa ang presensya sa managlahing ahensya sama na sa Commission on Higher Education kun CHED, Philippine Coconut Authority kun PCA, Agricultural Training Institute kun ATI ug Department of Trade and Industry Agusan Del Norte kun DTI - ADN.