Gipahigayon ang duha ka adlaw nga seminar sa mga opisyales sa kabarangayan ning syudad subay sa Barangay Newly Elected Officials (BNEO) Towards Grassroots Renewal and Empowerment for Accountable and Transparent (GREAT) Barangays Program miaging semana. Kini nga kalihukan gisalmutan sa mga Barangay Secretary, Barangay Treasurer, Barangay Kagawad ug Punong Barangay labina nga daghan kanila ang bag-o sa serbisyo. Gihimo kini sa City DILG sa pagpanguna ni DILG City Director Charissa Guerta sa pakigtambayayong kang Liga President Gemma Tabada aron matabangan ang mga opisyales nga magiyahan ug mabaid ang katakus ug mahatag sa katawhan ang mandatong tahas ug best interest pinaagi sa maayong serbisyo ug kalidad nga performance diha sa pagpanerbisyo sa komunidad. Ang barangay usa sa manguna sa extensive role sa paghatag sa mga basic services hinungdan importanteng palig-onon ang framework sa matag lihok sa barangay asa duna kini kahanas sa good governance pinaagi sa pagpatuman sa transparensiya, accountability ug dunay integridad. Ang nasangpit nga kalihukan usa sa continuing capacity development program sa DILG nga gidesinyo ug gipatuman pinaagi sa Local Government Academy.